Gen 15 | PMA | STEP | Evus, Iahova selus min Ebram en leisanien tai vit, “Ebram, konametautei. Nikur koe keik en avong keil takeih ka nisan sanien tai minuk koa hehi marite mok ven longkatien onom.”

Genesis 15

Ahi Mumon Hatkatien Takeih Ral min Ebram

Senesis 15:1-6; 16:1-3,15-16

1 Evus, Iahova selus min Ebram en leisanien tai vit, “Ebram, konametautei. Nikur koe keik en avong keil takeih ka nisan sanien tai minuk koa hehi marite mok ven longkatien onom.”

2 Ka Ebram vit risi mini vit, “?Iahova, sanien koanek hekataunau hemukave, veni titiali onak tovuol veah? Meatin koa vi houlu en teim onak hekur vasi tounah onak navong nimat, isen Eliesar ten out Damaskas. 3 Anatin, kei koa vi slev enges onak koa avasi en teim onak hekur vasi tounah onak veni korsan etai titiali minau.”

4 Evus, raengon Iahova selus eris mini vit, “Eisisil Eliesar enek herkurtei vulum ka tounah vasi keil onom. !Vuo! Ehon kati onom, kei enges hekur vulum ka tounah vasi keil onom.” 5 Evus, Iahova mulamuni va hae ka vit, “Kilele hehina nesa en teilang ka kihuli vis hitu keil. Kosakras. Ka vatiamal keil onom isuval hitu keil enek.”

6 Sakini, Ebram ling desien onen en hatkatien onen Iahova. Ka ven koanek, Iahova si veni ka les moulien onen mal en meten.